पुणे : शिक्षण क्षेत्रातील अतुलनीय योगदानाबद्दल सन्मानित करण्यात येणाऱ्या ‘एशिया-अरब समिट अँड अॅवाॅर्ड्स’मध्ये ‘सूर्यदत्ता’च्या उपाध्यक्षा सुषमा चोरडिया यांना ‘सुपर वुमन अचिव्हर’ पुरस्काराने सन्मानित करण्यात आले, तसेच संस्थेच्या तीन इन्स्टिट्यूट्सना सर्वोत्कृष्ट महाविद्यालयांचा पुरस्कार प्रदान करण्यात आला.
संस्थेच्या मॅनेजमेंट इन्स्टिट्यूटला ‘बेस्ट मॅनेजमेंट इन्स्टिट्यूट इन महाराष्ट्र’, हॉटेल मॅनेजमेंट इन्स्टिट्यूटला ‘बेस्ट हॉटेल इन्स्टिट्यूट इन महाराष्ट्र’ आणि सूर्यदत्ता इन्स्टिट्यूट ऑफ फॅशन डिझाइन’ला ‘मोस्ट प्रेफर्ड डिझाइन इन्स्टिट्यूट इन महाराष्ट्र’ या पुरस्कारांनी गौरविण्यात आले.
नुकत्याच पुण्यात झालेल्या एशिया-अरब एज्युकेशनल समिटमध्ये या पुरस्कारांचे वितरण करण्यात आले. या वेळी प्रा. उल्हास चौधरी, प्रा. नूतन गवळी, प्रा. फिरोज खान, जीन इनिस, प्रा. रेणुका कुलकर्णी आदी मान्यवर उपस्थित होते.
‘अत्याधुनिक तंत्रज्ञानाचा उपयोग करून शिक्षण, उद्योग आणि समाजाच्या बदलत्या गरजा भागविणारे तज्ज्ञ प्रशिक्षक यांना सोबत घेऊन ‘सूर्यदत्ता’ने विद्यार्थ्यांना नावीन्यपूर्ण शिक्षण दिले. त्यामुळे त्यांचे विद्यार्थी आज अनेक नामांकित कंपनीमध्ये कार्यरत आहेत,’ असे सुषमा चोरडिया यांनी नमूद केले.
